暴升3百點，HSI 18714

警告：實戰教訓，估頂比估底更危險，恆指創新高後估頂比創新高前估更危險。小弟原本以為調整將至，誰不知，再一次睇錯市 ~_~
輸就要認，打就要企定，市場就係咁現實，沒有應該的道理，只有贏或輸。

到目前為止，大市好似得 941 一條友玩晒，其他大中細股普遍唔多想郁咁。今日，941 + 5 號仔，就包辦了 200 點的恆指！和黃 ( 13 ) 罕有地進佔了恆指影響排列的第三位，但係睇番佢個影響點數，連雙位數也不到！只有不足8 點…

好明顯，指數暴升，又係同衍生工具作怪有關，今天一役，就把五張熊證打了靶。如此急速、誇張的暴升，有沒有散戶能夠預計？小弟好肯定，下半年響股市賺到錢既散戶遠比大家想像中少，除了抽新股外能獲利外，越有經驗的人就輸得越甘！