一場大騙局，開徵銷售稅

今日下午，財神爺唐英年失驚無神，宣布唔再推行銷售稅 GST，從善如流云云。其實特區政府深知肚明，不需要作出甚麼諮詢都知道，要香港開徵銷售稅，是近乎無可能的事。香港貴為「購物天堂」，一向都以低稅吸引外資，突然間要抽稅，香港還有何競爭力？有誰敢拆下這金漆招牌？

筆者一向反對開徵銷售稅，作為一個打工仔，買野無啦啦要俾抽稅，當然唔高興，對商戶們來講，更加唔係好事。開徵新稅等同加價，不影響消費者購買力才怪。最重要的，是所加的價錢係歸阿公唔係自己袋…

陰謀論去想，整個計劃都係一場大騙局，政府想在其他地方加稅，又驚唔獲得支持，就索性推個GST出黎，等你地D人 Ban 晒之後喇，其他稅項就無籍口唔加。