大型上落市

恆生指數又在玩過山車，早兩天恆指怒跌，跌穿 20100 點，兩天之後又升番上 20538 了。以往需要十數天才達到的波幅，今時今日一兩天就搞掂。

對一些投機者來講，現今市況確實好炒。在期指20750 點附近開Put ，20100 點附近 Call，以 100 點為止蝕，贏面甚大。

想再投機點的話，不妨跟炒一些細價股。正如報章頭條所言，現在的股市正是禾雀亂飛，H 股受阿公打壓，藍籌又太貴，D 人炒到無野好炒，唯有轉投去細價股身上……咪住，連細價股都郁埋，雞犬皆升，咁仲唔係牛市末期！無錯，牛市確實危危乎，儘管每次大市跌完又升番上10日線同20日線之上，但高位始終去唔返。既然沒有「價值投資」的空間，那就只能「投機」好了。