錢作怪

近日報紙港聞、經濟、娛樂，都各有一則頭條新聞，全城皆知。不約而同地，都與金錢扯上關係。

先談港聞，我所講的，正是中環天星碼頭。政府不理民間反對，在夜間鬼鬼祟祟把鐘樓拆走，行動迅速。但平時其他事項，又唔見咁快手，可想而知，政府幾咁想發展該幅土地。

經濟方面，自然是新股熱潮。其實抽新股的風氣，由來以久，一直都吸引不少人落飛參與。可能這批06尾班車，實在太多太趕，鋒芒過露，再加上傳媒推波助瀾後，變得廣為人知，令到全民皆股的時代，又再次出現。咁樣講，係咪代表就就快股災？筆者又覺得未必。市場上資金仍然充裕，上週恆指日線圖已出現頭肩頂的圖形，但今週三扒兩撥又重上萬九點！由於大市呈大成交裂口上升，並一舉升穿下降軌，短線不宜再作沽空看法。新股方面，雖然都錄得很大升幅，但與當年紅籌和科網股對比，尚未算嚴重。小弟可見將來，大市一日唔暴跌，抽新股的熱潮都沒有可能冷卻。抽新股，已成為了散戶心中最安全的資金避難所。

至於娛樂新聞，非徐子琪的世紀婚禮莫屬！全城所有女人，都對這件婚事，流晒口水。「嫁個有錢人」一直係「港女」既崇高理想，家陣仲要搞到咁豪華，女家剩係禮金都收過億，咪話唔爽！有口痕友更戲言，今年的投資之神，唔係四叔，亦唔係咩街坊股神，而係徐小姐。