跌你唔死又升過

阿爺一如大家所料，於上周五(20日) 收市後，再次推出宏調措施。來到晚上，美股又大幅下瀉 149 點，為熱熾的港股潑下冷水。

不過，在期指結算前夕，大戶明顯「頂到實」，今早(23日)「係咁易」低開後就好快彈番起身，下午更破頂創新高。恆指最終收報 23665 點，，升左 73 點，成交就同上周五差不多，都有 846 億。

恆指走勢精彩，有兩隻股票，都給筆者帶來精彩的視覺效果。一隻就是剛上市既封閉式基金--匯豐中國翔龍基金 (820)，掛住「匯豐」同「中國」既「朵」，原值$10 既野可以賣到$17 以上！咁誇張既溢價，都係留返俾那些認為物超所值的投資者去搏，個人就睇下佢表演算數。一隻基金，未投資都升 7 成，真係無得頂。基金現在才入市高追買貨，亦唔知佢買左乜，點會唔擔心！我唔敢話佢唔好，只是翔龍基金個基金經理，唔知你今年有無能力真係賺到 7 成回報呢?

另一隻，就是廁紙--維達國際(3331)。廁紙家家戶戶都要用，維達在「師奶」界中，簿有名氣，理應有得炒下。但炒還炒，由 $3.68 招股，2 個星期就上到去 $6.73，廁紙真的那麼值錢？行業的門檻有那麼高嗎？