高位射擊之星

港股進一步突破，恆指及國企都屢創新高，成交持續驚人。而繼 建設銀行(939) 籌發 A 股後，唔嫁又嫁的中石油(857)，也準備加入 A 股，刺激油股全系大升，惟最後恆指於收市前回順，在高位形成射擊之星。

高位呈現射擊之星，是大市轉勢的訊號，但七一前夕，外圍走勢凌厲，沽貨套現就話無可厚非，但真金白銀去做淡的話，勸君要想清楚了。需知港股之前已橫行多時，現在突破，無理由立即見頂掉頭。至少，港股會在高位盤踞一下，又或者待外圍轉弱，咁先至有得諗。

請注意，下個星期就是期指結算，就算有調整，純粹是獲利回吐，照理唔應該有太大跌幅。加上臨近七一回歸這些大日子，無論港股是死撐也好，贈慶又好，開 Put 都應該順勢而為。