半夜出招

星期一我還寫道，估下大戶在期指結算日，有沒有「驚喜」。話口未完，阿爺又有新招，宣佈立即調高股票印花稅，由 0.1 ％ 加到 0.3 ％。這個消息，對散戶主導的大陸市場來講，好明顯比甚麼銀行加息更有力、更有直接影響。儘管 0.3 ％ 只是雞碎錢，但早前財政官員才話過「冇聽聞加印花稅」，依頭就出爾反爾，漏夜加俾你睇，這種朝令夕改的態度，對投資者心理影響比實際還要大。

上 A 終於大跌，香港難以獨善其身，陪伴下滑。今早在 21400 點橫行半小時，引人以為香港裂口後不跌，可惜之後無以為繼，曾經跌穿 20200 點。午後期指淡友完成嘜價，股市回升至 20293 點收市，跌 175 點，穿左 50 天平均線，成交達 756 億。

今次中央破格地凌晨出招，不讓市場有時間消化消息，擺明要殺大家一個措手不及，傳遞訊息相當強烈。歷史上數次印花稅的上調均引發了市場的調整，今次如果還讓股市續升的話，壓抑措施必定陸續有來，並愈加激烈。

咁既時勢，宜作璧上觀，睇戲食花生算數。