千億成交大破頂

今日，恆指承接上星期美股升勢，裂口高開並越戰越勇，大市最高見 21585，收市貼近新高報 21582，爆升 585 點，總成交首次突破 1000 億！破晒多項單日紀錄！！

大市錄得過千億成交，但全集中於中資金融股及回歸 A 股類別；二三線股就持續無運行，大部份都逆市下跌！相信今日升市，有不少貪勝不知輸的細價股炒家，身家反而縮了水。

接著落0黎，資金一定會輪流炒，仍然落後的香港地產股、匯控(005)，最大機會接棒破頂。然後，番炒多次細價股，再跟住……煙花都放完，仲有野睇嗎？