驚濤駭浪的一天

小弟本預計，農曆新年過後，股市會有調整，正路 3 月係淡友0既天下。但發夢都諗唔到，會發生係財政師師長0既派糖日發生。昨天期指結算日，淡鱷已經發惡，內地 A 股「插水」，錄得十年最大跌幅，更有愈 900 隻股份跌停版！港股 3 月期指則大跌 444 點 ，收報 20050 ，精彩嘛？未夠，好戲還在後頭。

環球股市恍惚受到大陸影響，被拖累全面急挫，歐洲承接亞洲跌勢。到了晚上，美國接力，道指收市跌去 416 點，而盤中更加一度跌去約 550 點，蒸發 6000 億美元之餘，更將今年升幅抹去。美國已經連續 4 個交易日下跌，是去年 11 月以來沒有的現象。「三飛烏鴉」後再加多支大陰蠋，問你死未！平時道指只有那數十點的上落，個百點的波幅已經非常厲害，現在可以跌那麼多，究竟發生左乜野事呢？ A 股市場明明就是一個不開放的市場，照道理對國際金融起不了作用，偏偏今鋪影響得咁犀利？算吧，事實擺在眼前，考究都冇用，大家坐定定，睇下港股點死！

承接美股跌勢，期指市前開盤已急挫767 點，失守 19400；H 指更跌穿 9000 關，勁插 607 點，不過買盤湧現，加上午後內地股市抽升，恆指散場收報 19651 及 9283。

有兩件事，值得大家留意，一)是昨日成交創紀錄，高逾 800 億，跌市大成交，絕對不是甚麼好兆頭；二)是日圓兌美元變化，由於市場有不少對沖基金及機構投資者，進行日圓的 Carry Trade，日圓突然轉強，相信會觸發這些機構投資者拆倉，熱錢將會從一些熱炒的股市流走，引致大插！就像上年 4、5 月時的情況一樣。

儘管氣氛一片慘淡，但我仍預期有一個反彈，待下週公布業績時出現，希望各位到時走得甩啦！

年宵攤位不易為

放假的日子又完結，還以為有數天農曆新年假期，會有很多空餘時間，誰不知拜下年、賭下錢、訓下覺，咁又渡過晒喇！放假時候，即使賦閑在家，無所事事，時間都係過得特別快。:P

說回正題，是日我想講的題目，就是年宵。今年經濟明顯轉好，小市民袋裡多了點錢，買東西應該比較疏爽才對。但經過實地觀察後，旺丁唔旺財居多，明顯大賺的，廖廖數檔。除了「吹氣珍寶珠」能夠獨領風騷，其他攤檔，大都輸錢收場，與去年百家爭嗚，相差甚遠。

舊年吹氣品大賺，有價有市，熱賣的包括有吹氣防暴盾+警棍、吹氣石油氣罐及吹氣摺，仲有飄下飄下的氫氣狗仔。非吹氣品的，有扯線舞獅，同埋冇被傳媒發現，但老闆賺了廿萬以上的日式錦旗。

點解今年會搞成咁？市道好，反而唔能夠賺大錢？最大原因，是檔主們，看見吹氣品大賣就一鍋蜂去做，結果鎩羽而歸。如同在股票市場情況一樣：「邊頭多，殺邊頭」。

年宵攤位，是一門話易唔易，話難唔難的生意。它「營業時間短，工作時間長」，短短五日，不旦要 cover 鋪租、入貨錢、運費等等的支出，更要從中賺錢，確實不易。由於擺檔地點係露天地方，日晒雨淋同風吹雨打，就梗架喇！更辛苦的，是要捱更抵夜，單是夜間找人看鋪睇貨，已夠頭痛了。

幸好，行花市已成為港人習慣，人流絕對不成問題。但要在云云攤檔之中，突圍而出，吸引遊人目光同埋佢荷包 D 錢，你所賣的東西，就一定要獨特！以前未見過o既，街邊係買唔到0既！仲有最重要的，是產品設計能被大眾所接納，產品無論設計得點樣好，冇人買既都係垃圾。一旦你的貨品打出名堂，再貴都會有人買。

恭賀新禧

今日是年初一，祝大家豬年行好運，豬事順景，發過豬頭......恭喜..恭喜

Happy 豬 Ear!!

大型上落市

恆生指數又在玩過山車，早兩天恆指怒跌，跌穿 20100 點，兩天之後又升番上 20538 了。以往需要十數天才達到的波幅，今時今日一兩天就搞掂。

對一些投機者來講，現今市況確實好炒。在期指20750 點附近開Put ，20100 點附近 Call，以 100 點為止蝕，贏面甚大。

想再投機點的話，不妨跟炒一些細價股。正如報章頭條所言，現在的股市正是禾雀亂飛，H 股受阿公打壓，藍籌又太貴，D 人炒到無野好炒，唯有轉投去細價股身上……咪住，連細價股都郁埋，雞犬皆升，咁仲唔係牛市末期！無錯，牛市確實危危乎，儘管每次大市跌完又升番上10日線同20日線之上，但高位始終去唔返。既然沒有「價值投資」的空間，那就只能「投機」好了。

情人節

又到二月十四。在這個標榜浪漫的日子，係時候洗刷一下這個滿身銅臭既 Blog，暫停講股票。

只可惜現實裡，金錢和情人節互相掛了。

燭光晚餐--高級餐廳都把晚上分開幾節時間兼大幅提高金額；鮮花--11支玫瑰唔包送貨都要5、6百元。本來，平日送贈這些東西，沒有問題。但來到這個節日，都被商人吊高來賣，感覺就像做了水魚而無力反抗，十分無奈。

情人節呢樣野，坦白講我又覺得唔係一個去慶祝既節日。不過佢就好好咁提醒左每一對拍緊拖既情侶，響呢D咁既日子，有個咁好既伴侶陪住你，係幾咁幸運既一件事。要知道，欣賞一個人唔難，要接受一個人的缺點，才是最難。假如找到一個接受你缺點的人，與你共渡佳節，應該，好好珍惜。

單日大轉向，世紀大龍鳳

大市似回不回，似升不升，今日又上演一場精彩萬分的大龍鳳！

在現貨市場未開之前，期貨市場罕有地跌愈 200 點。奇就奇在期指並非裂口底開，而是好地地突插！一般而言，在現貨市場開市前，很少會有咁跨張的波動。跟住唔駛講啦，大市反覆尋底，最犀利跌到落 20318 ，比上日收市跌左成 360點！跌勢非常嚇人！

跟據以往經驗，午後的市況通常比上午更加波動，既然半日已經咁癲，下午肯定精彩喇，但係個市上定落呢？會股災嗎！

最後，大市又由中移動(941)表演神乎其技的挾倉之術，把大市迅速推高。期指不斷挾升，速度之快甚於股災，完全是恐慌性買入。期指強勢轉好，半小時內攀上高峰！最高見 20763，然後以 20735 收市，倒升 55 點。

精彩嘛？

我會做好呢份工 I'll get the job done

無論你係政治冷感，定係時事白痴，曾蔭權與梁家傑競選特首，都應該略有所聞吧？不知道嘛，都唔緊要，你有乘地鐵的話，都肯定會看到這廣告--「我會做好呢份工 I'll get the job done」

我深相，這句口號，會繼「今時今日，咁既服務態度唔得」、「全力以赴，做到最好」同埋「你有壓力，我有壓力」後，又一長掛港人咀邊的金句。

這句口號出色之處，就係語帶相關，惹人無限猜想。表面上，是「全力以赴，做到最好」的同義詞，但曾蔭權說自己「會做好呢份工」，即是表明立場，他，只是收人工幫忙看屋的看更罷了。特首與普羅市民一樣，只是打緊一份牛工。

地區的領袖元首，應該等於一間公司的老闆，幾時變成一份工？或者我們可以這樣理解：一間大機構，除了有老闆外，更會聘請一名 CEO ，作為管理公司的話事人。如果CEO 做得不好，有機會被炒魷。老闆，出錢成立公司者，萬人在下沒有一人在上，有俾錢自然有權力就公司所有事作出決策。CEO 和 老闆不同，CEO 就是打一份工，之上還有董事會，他們才是老闆。

好明顯，曾蔭權希望大家明白，特首只不過是CEO。

那到底老闆是誰？明顯不過啦。難怪在政綱中無提及普選時間表，因為他深明，幾時輪到一人一手的散戶們選 CEO？仲有，如果做得唔夠好，完全唔關佢事，咩都係老闆話事嘛，高招！唔信你睇下口號的英文，佢只係話「I 'll Get the job done」，都冇話要「 I 'll Get the job Well done」。